Qazaxıstanda süni intellektlə idarə olunan robot taksilər istifadəyə veriləcək.

Newscenter.az "Sputnik Qazaxıstan"a istinadən bildirir ki, yeni məhsul Qazaxıstan Nəqliyyat nazirinin müavini Damir Kojahmetova nümayiş etdirilib. Robotaksi mərhələli şəkildə, pilot rejimdə və məhdud sınaqdan başlayaraq istifadəyə veriləcək. Nəqliyyat Nazirliyi qeyd edib ki, bu format şəhərdəki spesifik şəraiti nəzərə alan texnologiyaların tətbiqinə imkan verəcək.

İlkin olaraq robot taksilərdən Almatı şəhərində istifadə ediləcək.

Pilotsuz nəqliyyat vasitələrinin idarəetmə sistemi avtonom idarəetmənin sübut olunmuş metodlarına əsaslanacaq. Bunların arasında süni intellekt, yol şəraitinin daimi monitorinqi və düşünülmüş təhlükəsiz davranış planlaşdırılır. Təcrübə qazanıldıqda və iş sabitləşdikdə xidmət geniş yayılacaq.

Hazırda robotaksilərin istifadəsi üçün tənzimləyici çərçivə formalaşdırılır.

Aygün