Şimali Koreya Yaponiyanın təhlükəsizlik siyasətindəki dəyişikliyə cavab olaraq əlavə hərbi tədbirlər görəcək.

Newscenter.az Koreya Mərkəzi Xəbər Agentliyinə istinadən bildirir ki, bu barədə Koreya İşçi Partiyası Mərkəzi Komitəsinin şöbə müdiri və KXDR lideri Kim Çen Inın bacısı Kim Yo-jongun açıqlamasında bildirilib.

Açıqlamada deyilir ki, KXDR-in silahlı qüvvələri və hərbi rəhbərliyi Yaponiyanın hazırkı dəyişikliyinə cavab olaraq əlavə hərbi seçimlər edəcək.

Kim Yo-jong, xüsusən də Yaponiya esminesindən Tomahawk kruiz raketinin sınaq buraxılışını, ABŞ ilə birgə təlimlərdə iştirakını, uzaqmənzilli zərbə silahlarının yerləşdirilməsini və hücum silahlarının inkişafını qeyd edərək, Tokionu hərbi dövlətə çevrilməsini sürətləndirməkdə günahlandırdı. O, qeyd edib ki, bu hərəkətlər qabaqlayıcı zərbələr endirmək qabiliyyətini əldə etmək siyasətinin praktiki tətbiqinə doğru bir irəliləyiş göstərir.

Bəyanatda həmçinin bildirilir ki, ABŞ Yaponiyaya hərbi potensialını artırmaqda kömək edir və Koreya Respublikası ilə birlikdə bu yardımdan Asiya-Sakit okean regionunda dominantlıq strategiyasını həyata keçirmək üçün istifadə edir. Kim Yo-jong vurğulayıb ki, Tokionun hərbi ekspansiyası regional və qlobal təhlükəsizliyə təhdid yaradır.

O, beynəlxalq ictimaiyyəti Yaponiyanın hərbi gücə çevrilməsinin qarşısını almağa çağırıb və qeyd edib ki, Pxenyanın hərbi siyasətindəki dəyişikliklərə dözmək niyyətində deyil.

Arzu