Qazaxıstan Xalq Şurası 2026-cı ilin sentyabr ayında yaradılacaq.

Newscenter-az "Sputnik Qazaxıstan"a istinadən xəbər verir ki, bunu Qazaxıstan prezidenti Kasım-Jomart Tokayev deyib.

“Qazaxıstan Xalq Kenesi (Xalq Şurası) sentyabrın ikinci yarısında formalaşdırılacaq. Bu, Qazaxıstan tarixində ölkəmizin etnik, regional, sosial və sosial-siyasi müxtəlifliyini təcəssüm etdirən ilk ali məşvərətçi orqandır. Əslində, bu, unikal bir orqandır”, - deyə Tokayev yeni birpalatalı parlamentin ilk iclasının açılışında bildirib.

O, xatırladıb ki, bu konstitusiya orqanı qanunvericilik təşəbbüsü hüququna malikdir:

"Buna görə də, nisbətən qısa müddət ərzində demək olar ki, bütün əsas dövlət qurumları yenilənəcək ki, bu da gələcək islahatlarımıza güclü təkan verəcək".

Tokayev daha əvvəl Qazaxıstan Xalq Şurasının əvvəllər Qazaxıstan Xalqı Assambleyası tərəfindən görülən işləri gücləndirəcəyini və inkişaf etdirəcəyini bildirmişdi.

Süleyman