Newscenter.az.18.07.2020. Bu dəqiqələrdə Almaniya Azərbaycanlılarının Koordinasiya Şurasının təşəbbüsü ilə Ermənistanın Berlindəki səfirliyinin binası qarşısında böyük etiraz aksiyası keçirilir.

Newscenter.az xəbər verir ki, torpaqlarımızın işğaldam azad olunması, ölkəmizin ərazi bütövlüyünün bərpa olunması uğrunda Prezident, Ali Baş Komandan İlham Əliyevin hər bir əmrini yerinə yetirməyə hazır olan 500 nəfərə yaxın vətənpərvər soydaşımızın qatıldığı aksiyada “Qarabağ Azərbaycandır!”, “Azərbaycan, biz səninləyik!”, “Ya Qarabağ, ya ölüm!”, “Qarabağ bizimdir, bizim olacaq!” şüarları xorla səsləndirilir. Soydaşlarımız işğal altında olan Qarabağın unudulmadığını, hər an Vətənizimin azadlığı uğrunda canlarından keçməyə hazır olduqlarını bəyan ediblər.

Hazırda aksiya Azərbaycan diaspor təşkilatlarının rəhbərləri çıxışları ilə davam edir.