Newscenter.az.7.08.2020. Bu gün “Azərikimya” İstehsalat Birliyinin Etilen-Polietilen zavodunun ərazisində yanğın hadisəsi baş verib.

Azərbaycan Dövlət Neft Şirkətinin (SOCAR) İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov “Report”a bildirib ki, hadisə istehsalat prosesi zamanı baş verməyib.

“Hazırda burada planlaşdırılmış illik texniki baxış işləri ilə əlaqədar istehsalat dayandırılıb. Zavodun modernizasiya və yenidənqurma işlərinin isə son mərhələsi həyata keçirilir. Bu çərçivədə podratçı şirkətlərin tikinti işləri zamanı qısa alışma olub və tez bir zamanda söndürülüb”,- o qeyd edib.

Onun sözlərinə görə, hadisə zamanı bir neçə əməkdaş xəsarət olub: “Onların vəziyyəti orta ağırdır və xəstəxanaya aparılıb”.