AYNA dələduzluqla məşğuldur.

Newscenter.az xəbər verir ki, belə bir ittihamla gunensesi.info saytının təsisçisi və baş redaktoru Pərviz Həşimli çıxış edib. Pərviz Həşimli AYNA tərəfindən başına gətirilən oyuna əsasən, belə qənaətə gəldiyini deyin.

Baş redaktorun fikirlərini olduğu kimi təqdim edirik:

Bu hal ikinci dəfə təkrarlandığından yazmaq məcburiyyətində qaldım.

AzParking tətbiqini telefona yüklədiyim üçün parklanma ödənişlərini bir qayda olaraq bunun üzərindən edirəm.
Demək, Abbas Mirzə Şərifzadə küçəsində avtomobilimi saxlayıb vaxtı başlamışam.

Təxminən 1 saat sonra ərazini tərk etmişəm.

Həm bank kartımdan pul silinib, həm də AzParking tətbiqində uğurlu ödəniş mesajını almışam.
1 gün sonra mənə AYNA -dan 20 manat cərimə bildirişi gəldi.

Qaynar xəttə zəng etdim, əməkdaş bildirdi ki, cərimə yazılıb, qanunidir.
Şikayət edəcəyimi dedim.

Bu gün baxıram, AYNA AzParking tətbiqində "Uğurlu Ödəniş" bildirişini silib. Bank kartımdan ödəniş qəbzini silə bilməz təbii ki...

Pərviz Həşimli daha sonra sual edir:

Bu dələduzları kim tapır, hardan tapır vəzifələrə gətirirlər? Bir dəfə də belə hadisə olmuşdu, üzrxahlıq edib ,cəriməni sildilər.

Bildirdilər ki, tətbiqin problemi olub. Amma bu dəfə etiraf etməsələr də fırıldağa əl atdılar.
P.S. Bir izləyicim mənə AYNA -da adına maaş yazılıb,amma işə çıxmayan çoxsaylı işçi ştatı barədə məlumat yazmışdı.

Baxıram, silinib. Həmin izləyicim, bu postu oxusa , onu təkrar yollasın!.

Süleyman