Newscenter.az.19.02.2020. Fevralın 21-də paytaxtın Binəqədi və Nəsimi rayonları üzrə müəllim və valideynlərin səyyar qəbulu keçiriləcək.

Baş Təhsil İdarəsindən Newscenter.az-a bildirilib ki, səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, vətəndaşları maraqlandıran məsələlərə yerində aydınlıq gətirilməsi, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.
Paytaxtdakı 179 nömrəli tam orta məktəbdə (Ünvan: Gülməmməd Ramazanov küçəsi 1) təşkil olunacaq səyyar qəbul saat 10:00-da başlayacaq.

Səyyar qəbulda müəllim və valideynlərin müraciətləri Bakı Şəhəri üzrə Təhsil İdarəsinin rəhbərliyi və struktur bölmə əməkdaşları tərəfindən dinləniləcək, müvafiq təşkilati və maarifləndirmə tədbirləri görüləcək.