Newscenter.az.29.03.2020. Dövlət Avtomobil Nəqliyyatı Xidməti olaraq həm hüquqi, həm də fiziki şəxslərin (daşıyıcıların) ümumi işin xeyrinə dəstəklərini əsirgəməyəcəklərinə ümid edirik.

Newscenter.az xəbər verir ki, belə bir açıqlama ilə qurumun mətbuat xidmətinin rəhbəri Nuridə Allahyarova verib. O, bildirib ki, bu gün sürücülər ən həssas risk qrupuna daxildirlər:

"Görülən tədbirlər çərçivəsində qaydalara öz sağlamlığınız üçün əməl etməyi sizdən xahiş edirik! Xidmət başındaykən maska və əlcəkdən istifadəyə əməl edin! Bu gün üçün ən ağır işi icra edənlər sırasındasınız. Bundan dolayı qarşınızda baş əyirəm! Ancaq qaydalara əməl edərək həm özünüzü, həm sərnişinləri, həm də ailə üzvlərinizi qoruyaraq epidemiyanın qarşısını almaqda bütün gücünü səfərbər edən hökümətimizə dəstək vermi olacaqsınız. Xatırladım ki, İnzibati Xətalar Məcəlləsinin 211-ci maddəsinə əsasən epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər yüz manatdan iki yüz manatadək məbləğdə, vəzifəli şəxslər min beş yüz manatdan iki min manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər iki min manatdan beş min manatadək məbləğdə cərimə edilir. Bununla bağlı aidiyyatı müvafiq strukturlar icra mexanizmini tətbiq etdikləri təqdirdə cəza almadan qaydalara əməl edənlər sırasında olaq!".

Anar