Çərşənbə, 1 dekabr 2021, 23:17:05  
Sizin Reklam Burada.

Ağdam və Goranboyda bərpa olunmuş növbəti kəhrizlər yerli icmalara təhvil verilib

Ağdam və Goranboyda bərpa olunmuş növbəti kəhrizlər yerli icmalara təhvil verilib


Beynəlxalq Miqrasiya Təşkilatının Azərbaycan nümayəndəliyi Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirdiyi “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi çərçivəsində Ağdam rayounun Baharlı qəsəbəsinin ərazisində yerləşən Göylən-1 və Goranboy rayonunun Qaradağlı kəndi ərazisində yerləşən Tatoğlu-1 kəhrizini bərpa edərək yerli icmaların istifadəsinə verdi.

Adı çəkilən layihə çərçivəsində BMqT-nin Azərbaycan nümayəndəliyi indiəyədək Ağdam, Goranboy və Qazax rayonları ərazisində 17 kəhrizi bərpa edərək yerli icmaların istifadəsinə verib.

Newscenter.az xəbər verir ki, layihə ənənəvi və dayanıqlı su təchizatı sistemi olan kəhrizlərin bərpası vasitəsilə təxminən region əhalisini təhlükəsiz və davamlı su təminatı məqsədini daşıyır.

Layihənin ümumi məqsədi Azərbaycanda kənd təsərrüfatı icmalarının enerjisiz su təchizatını təmin etməklə kənd təsərrüfatı məhsuldarlığını və yaşayış imkanlarını artırmaqla məcburi iqtisadi miqrasiyanın qarşısının alınmasına töhfə verməkdir. Kəhrizlərin bərpası ilə yanaşı, layihə gender, idarəetmə və ətraf mühitin davamlılığı kimi məsələlərə xüsusi diqqət yetirərək, icma tərəfindən idarə olunan bir yanaşmanı tətbiq etməyə davam edir.

Mehman
Xəbəri paylaş