Regionda qaz istehlakının ümumi azalmasına baxmayaraq, Avropanın mayeləşdirilmiş təbii qaz (LNG) idxalı ötən qış rekord həddə çatıb.

Newscenter.az xəbər verir ki, bu barədə Beynəlxalq Enerji Agentliyinin (IEA) qaz bazarı hesabatında bildirilir.

Hesabatda qeyd olunur ki, Avropada təbii qaz istehlakı təxminən 1% azalıb, bərpa olunan enerji istehsalının artması isə enerji sektorunda qaz istehlakına təsir edib. Təbii qaza tələbatın azalmasına baxmayaraq, Avropaya mayeləşdirilmiş təbii qaz idxalı 2025-2026-cı illərin qışında rekord həddə çatıb və boru kəməri qaz idxalının azalması və daxili istehsalın azalması fonunda mayeləşdirilmiş təbii qazın regionda baza təchizatının struktur mənbəyi kimi mövqeyini möhkəmləndirib.

Ümumilikdə, Şimali Amerika və Afrikada yeni mayeləşdirmə layihələri, eləcə də bəzi mövcud ixracatçılarda istehsal həcmlərinin artması sayəsində oktyabr-fevral aylarında qlobal LNG ticarəti 12% (və ya 29 milyard kubmetr artıb.

Mehman