Daşkənd ilk dəfə olaraq 2027-ci ildə nüfuzlu Asiya Paralimpiya Komitəsi tədbirlərinə ev sahibliyi etmək hüququnu qazanıb.
Asiya Paralimpiya Komitəsi (APC) Daşkəndin 2027-ci il Konfransına, Mükafatlandırma Mərasiminə və Baş Assambleyaya ev sahibliyi etmək hüququnu qazandığını açıqlayıb. Beləliklə, Özbəkistan tarixində ilk dəfə olaraq bu mühüm Asiya Paralimpiya Komitəsi tədbirlərinə ev sahibliyi edəcək.

Tədbirdə Asiyanın 45 Milli Paralimpiya Komitəsinin nümayəndələrinin, eləcə də APC İcraiyyə Şurasının üzvlərinin, üzv komitələrin, idmançıların, beynəlxalq federasiyaların, yarış təşkilatçı komitələrinin və beynəlxalq idman təşkilatlarının Daşkənddə bir araya gəlməsi gözlənilir.

Proqrama Asiyada Paralimpiya Hərəkatının inkişafının vacib sahələri üzrə təqdimatlar, müzakirələr və seminarların keçiriləcəyi konfrans daxildir.

Bundan sonra Baş Assambleyanın iclası keçiriləcək. Bu iclasda APC üzvləri təşkilati və strateji məsələləri, eləcə də regionda Paralimpiya Hərəkatının daha da inkişaf etdirilməsi üçün perspektivli sahələri müzakirə edəcəklər.

Asiya Paralimpiya Hərəkatına verilən əhəmiyyətli töhfələri və nailiyyətləri qeyd etmək üçün Daşkənddə mükafatlandırma mərasimi də keçiriləcək.

Qeyd etmək lazımdır ki, bu tədbirlərin Daşkənddə keçirilməsi Özbəkistanın nüfuzunun və beynəlxalq Paralimpiya Hərəkatında fəal iştirakının daha da güclənməsinin sübutudur.