Ukrayna Silahlı Qüvvələri son bir həftə ərzində "Qərb" qruplaşmasının məsuliyyət zonasında 1510-dan çox hərbçi itirib.

Newscenter.az TASS-a istinadən xəbər verir ki, bu barədə Rusiya Müdafiə Nazirliyi məlumat verib.

Nazirliyin açıqlamasında deyilir: "Düşmənin bu istiqamətdə itkiləri 1510-dan çox hərbçi, 12 zirehli döyüş maşını olub. O cümlədən beş Qərb istehsalı, 136 avtomobil, 16 səhra artilleriya qurğusu da məhv edilib. Zərbələr nəticəsində məhv edilən elektron müharibə stansiyasının sayı isə 11 ədəd təşkil edib".