"Hava limanının digər taksilərdən "təmizlənməsi" addımı bazarda rəqabət qaydalarını pozmaqla yanaşı dövlət təsisatlarının öz səlahiyyətlərindən sui-istifadə edərək özəl sektoru sıxışdırması kimi dəyərləndirilməlidir".

Newscenter.az xəbər verir ki, bunu iqtisadçı Samir Əliyev deyib. O bildirib ki, dövlət şirkəti olan AZAL digər dövlət şirkəti - Nəqliyyat, Rabitə və Yüksək Texnologiyalar Nazirliyinə məxsus "Bakı Taksi Xidməti" MMC ilə razılığa gələrək aeroport ərazisində monopoliya yaradırlar və özəl sektoru dövlət obyekti olan aeroportdan kənarlaşdırırlar:

"Ümid edirəm Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi ona verilmiş vəzifə və səlahiyyətləri yerinə yetirərək məsələyə müdaxilə edəcək".

Anar Əliyev