Newscenter.az.31.05.2019. “Avropa Liqasının Bakıda final oyununun uğurla keçirilməsi bir daha Azərbaycanın böyük beynəlxalq tədbirləri, o cümlədən bütün dünyanın diqqət mərkəzində olan idman yarışlarını yüksək səviyyədə təşkil etmək bacarığını nümayiş etdirdi”.

Newscenter.az xəbər verir ki, bu fikirləri Rəsulzadə bələdiyyəsi sədrininm köməkçisi Jalə Tofiqqızı səsləndirib. Onun sözlərinə görə, bir daha sübut olundu ki, Azərbaycan belə nəhəng tədbirləri təşkil etmək üçün müasir infrastruktura malik ölkədir:

“Hər hansı bir problemin, ciddi insidentin olmaması tədbirin yüksək səviyyədə təşkil olunduğunu aydın nümayiş etdirdi. Hazırlığın yüksək səviyyəsi xaricdəki anti-Azərbaycan qüvvələrin iddialarını alt-üst etdi, qara piar kampaniyası effekt vermədi. Azərbaycan təsdiq etdi ki, 2020-ci ildə Avropa çempionatının 4 oyununu da yüksək səviyyədə təşkil etmək və uğurla keçirmək gücünə, bacarığına malikdir”.