Newscenter.az.3.03.2020. Azərbaycan Milli Olimpiya Komitəsində (MOK) yeni təyinat gerçəkləşib.

"Report" xəbər verir ki, tanınmış jurnalist Günay Malikqızı MOK-un İctimaiyyətlə Əlaqələr və Mətbuat Şöbəsinin müdiri təyin olunub.

Qeyd edək ki, G.Malikqızı buna qədər "Park Bulvar AVM"in mətbuat xidmətinin rəhbəri vəzifəsində çalışırdı.

Azərbaycan Milli Olimpiya Komitəsi 1992-ci il yanvarın 14-də təsis olunub, təqribən 3 ay sonra Ədliyyə Nazirliyində rəsmi qeydiyyatdan keçib. MOK 1993-cü il sentyabrın 23-də isə Beynəlxalq Olimpiya Komitəsinə üzv qəbul edilib. Azərbaycan müstəqil dövlət kimi ilk dəfə 1996-cı ildə Olimpiya Oyunlarına qatılıb. Ölkə başçısı İlham Əliyev 1997-ci ildən Milli Olimpiya Komitəsinin prezidentidir.