ANA SƏHİFƏ HAQQIMIZDA ƏLAQƏ
dini radikalizm və ekstremizmlə mübarizə

Ayşən Fəxrəddinqızı İctimai Birlikdə vəzifə verildi

23-02-2021, 10:43



Newscenter.az.23.02.2021. “Soyqırım Həqiqətlərinin Tanıdılması” İctimai Birliyinin İdarə Heyətinin növbəti iclası keçirilib. Newscenter.az xəbər verir ki, iclasda təşkilatın gördüyü işlər və qarşıdakı planlar müzakirə olunub. Eyni zamanda İctimai Birliyin sədri Ceyhun Ələkbərovun əmrinə əsasən A.Fəxrəddinqızı sədrin birinci müavini təyin olunub.

Qeyd edək ki, A.Fəxrəddinqızı uzun illərdir ki, ictimai proseslərdə yaxından iştirak edir. O, hazırda 30 mindən artıq üzvü olan İMAN səhifəsinin rəhbəridir. Bu müddət ərzində bir sıra layihələrdə yaxından iştirak edən A.Fəxrəddinqızı Milli Qəhrəman Tofiq Hüseynovun ailə üzvüdür.
Onu da nəzərinizə çatdıraq ki, “Soyqırımı Həqiqətlərinin Tanıdılması” İctimai Birliyi Azərbaycanın ictimai həyatında öz dəsti xətti olan Birlikdir. İctimai Birlik həm ölkə daxilində həm də ölkəmizdən kənarda bir sıra layihələrə imza atıb. “Soyqırımı Həqiqətlərinin Tanıdılması” İctimai Birliyi “Xocalıya ədalət” kampaniyasına dəstək verən ictimai təşkilatdır. Təşkilat Belçika, Almaniya, Polşa və digər bir sıra Avropa ölkələrində kampaniya çərçivəsində əhəmiyyətli tədbirlər təşkil edib, kitablar nəşr etdirib. Eyni zamanda, Almaniya, İsveç kimi ölkələrin parlamentlərində görüşlər keçirilib, dinləmələr təşkil olunub.

Təşilatın beynəlxalq tədbirləri sırasına Macarıstanın paytaxtı Budapeşt şəhərində “Xocalı soyqırımına beynəlxalq hüquqi baxış və qondarma erməni iddiaları” adlı konfransı da əlavə etmək olar. Konfransda “Soyqırımı Həqiqətlərinin Tanıdılması” İctimai Birliyinin sədri Ceyhun Ələkbərov və macar tarixçisi Borbala Obruzanskinin həmmüəllifləri olduğu “Qafqazın parlayan ulduzu - Azərbaycan” kitabının təqdimatı keçirilib.

2004-cü ildən fəaliyyət göstərən Birliyin sədri Ceyhun Ələkbərovdur.

Sevinc

Oxşar xəbərlər
SON XƏBƏRLƏR