Newscenter.az.18.12.2018. Ümumi təhsil müəssisələrinin daha 7 şagirdi idmanın müxtəlif növləri üzrə beynəlxalq yarışlarda uğurlar qazanıb. Newscenter.az-a Təhsil İdarəsindən bildirilib ki, Bakı Şəhəri üzrə Təhsil İdarəsinin tabeliyindəki 322 nömrəli tam orta məktəbin VIII sinif şagirdi Emil Məmmədəliyev Gürcüstanda Muay-Tay Taybok idman növü üzrə keçirilən beynəlxalq çempionatda 36 kiloqram çəki dərəcəsində I yerə layiq görülüb. Final mərhələdə erməni idmançını məğlub edən məktəbli qızıl medal və diplomla mükafatlandırılıb.

Paytaxtdakı 36 nömrəli tam orta məktəbin XI sinif şagirdi Ruslan Seyidov Gürcüstanda taekvando idman növü üzrə keçirilən beynəlxalq turnirdə 59 kiloqram çəki dərəcəsində bütün rəqibləri üzərində qələbə qazanaraq I yeri tutub.

Vətənə qalibiyyətlə dönən digər məktəbli isə 328 nömrəli tam orta məktəbin VI sinif şagirdi Məhəmməd Mirzəyev İranda karate idman növü üzrə keçirilən beynəlxalq yarışda 38 kiloqram çəki dərəcəsində bütün rəqibləri üzərində qələbə qazanaraq fəxri kürsünün ən yüksək pilləsinə qalxıb. Qalib məktəbli qızıl medal və diplomla mükafatlandırılıb.

81 nömrəli tam orta məktəbin XI sinif şagirdi Fidan İsmayıllı Rusiyada keçirilən karate idman növü üzrə beynəlxalq yarışda 55 kiloqram çəki dərəcəsində bütün rəqibləri üzərində qələbə qazanaraq I yerə layiq görülüb.

Uğur qazanan digər idmançılar isə 247 nömrəli tam orta məktəbin şagirdləridir.
Bakı şəhəri üzrə 245 nömrəli tam orta məktəbin I sinif şagirdi Azadə Atakişiyeva İsraildə keçirilən bədii gimnastika üzrə beynəlxalq turnirdə II yerə layiq görülüb. A.Atakişiyeva medal və diplomla mükafatlandırılıb.