Newscenter.az.15.07.2019. 7-14 iyul 2019-cu il tarixlərində İsrailin Təl-Əviv şəhərində 50-ci Beynəlxalq Fizika Olimpiadası keçirilib. Newscenter.az Təhsil Nazirliyinə istinadən xəbər verir ki, Azərbaycanlı məktəblilərin də iştirak etdiyi olimpiadaya 80 ölkədən təxminən 400 şagird qatılıb.
Ölkəmizi təmsil edən şagirdlərdən Cəlilabad şəhəri 1 nömrəli məktəb-liseyin XI sinif şagirdi Merac Məmmədov olimpiadada uğurla iştirak edib. Merac Məmmədov bürünc medala layiq görülüb.
