"Proseslərin gedişi göstərir ki, ölkəmizdə xarici kəşfiyyat orqanlarının agenturası çox güclüdür. Bu ölkələr arasında İran və Rusiya ön sıralarda yer alır".

Newscenter.az xəbər verir ki, bu fikirləri ictimai-siyasi fəal Anar Salehoğlu səsləndirib. O bildirib ki, xoşbəxtlikdən bizdə əks kəşfiyyat və DTX yüksək səviyyədə fəaliyyət göstərir:

"Yoxsa halımız heç yaxşı olmazdı".

Anar Salehoğlu deyib ki, mənfur qonşularımız, o, cümlədən Azərbaycanı gözü götürməyən qüvvələr daim ölkəmizdə sabitliyi pozmağa, qarşıdurma və iğtişaşlar yaratmağa çalışırlar:

"Agenturalar da bu istiqamətdə fəaliyyət göstərirlər. Xarici kəşfiyyatlara xidmət edənlər müxtəlif sahələrə nüfuz etməyi çox yaxşı bacarırlar. Buna görə də hər birimiz diqqətli və tədbirli davranmalıyıq!".

Mehman