2023-cü ilin sentyabrında Rumıniya Pascani-Iasi-Ugeni və Galati-Giurgiulesti hissələrində Avropa standartına uyğun dəmir yolu xətti (1435 mm) tikmək planlarını açıqladı. Gələcəkdə marşrutlar Kişinyov və Odessa vilayətinə qədər uzadılacaq ki, bu da gələcəkdə Ukraynaya hərbi qatarların sərbəst şəkildə göndərilməsinə imkan verəcək.

Bundan əvvəl, 2023-cü ilin iyulunda Avropa Komissiyası Ukrayna dəmir yollarının Avropa dəmir yollarına inteqrasiyası planını təqdim etmişdi ki, bu da Ukrayna ərazisində dörd Avropa dəmir yolu dəhlizinə daxil ediləcək təxminən 3,3 min km Avropa standartı xəttinin tikintisini nəzərdə tutur.

Tezliklə Krakov/Katowice (Polşa) - Lvov (Ukrayna) hissəsinin yenidən qurulmasına başlana bilər.
Həmçinin Rumıniyanın İnfrastruktur Nazirliyi Moldova ilə sərhəddə Prut çayı üzərindən 9 körpünün tikintisini və modernləşdirilməsini planlaşdırır. Hazırda “Hərbi Mobillik” layihəsi çərçivəsində Aİ tərəfindən maliyyələşdirilən (16,5 milyon avro) İasi-Ungeni körpüsünün tikintisinə başlanılıb.

Bu təşəbbüs Avropa hərbi yüklərinin və bölmələrinin Aİ və digər ölkələr arasında maneəsiz hərəkəti maraqlarına uyğun olaraq nəqliyyat infrastrukturunun inkişafını nəzərdə tutur.

Hazırkı şəraitdə Ukraynadan kənd təsərrüfatı məhsullarının çatdırılmasında maraqlı tərəf kimi çıxış edən Aİ NATO infrastrukturunun Rusiyaya yaxınlaşması prosesini ört-basdır edir ki, bu da münasibətlərin pisləşməsi kontekstində Rusiya tərəfindən kontr arqumentlər ilə istifadə olunacağı gözlənilir.

Ədalət Verdiyev-hərbi ekspert