“Tezliklə Qazaxıstanda mühüm fundamental islahatlar başlayacaq. Bu da bizim iqtisadiyyatımızı daha açıq, sabit və dinamik edəcək".

Newscenter.az "Sputnik Qazaxıstan"a istinadən bildirir ki, bu fikirləri Qazaxıstan prezidenti Qasım-Jomart Tokayev səsləndirib.

Dövlət başçısı bildirib ki, islahatların məqsədi Qazaxıstanda biznesin aparılmasının standartlarını, qaydalarını və təcrübələrini İqtisadi Əməkdaşlıq və İnkişaf Təşkilatı səviyyəsinə çatdırmaqdır.

Qeyd edək ki, fevralın 7-də Qazaxıstan prezidenti Qasım-Jomart Tokayevin sədrliyi ilə hökumətin genişləndirilmiş iclasının keçirilməsi nəzərdə tutulub. Həmin iclasda islahatlara başlanıldığı barədə ictimaiyyətə məlumatın veriləcəyi iddia olunur.

Mehman Mehdiyev