Ermənistanın baş naziri Nikol Paşinyan ölkənin Milli Təhlükəsizlik Nazirliyi, eləcə də Xarici Kəşfiyyat Xidmətində kadr islahatlarını davam etdirir.

Newscenter.az hraparak.am-a istinadən bildirir ki, baş nazir Xarici Kəşfiyyat Xidmətinin rəhbərliyində dəyişikliklər edib. Belə ki, fevralın 6-da baş nazir Paşinyan Xarici Kəşfiyyat Xidməti rəhbərinin müavini təyin edilməsi haqqında sərəncam imzalayıb.

Baş nazirin imzaladığı sənəd əsasında “Xarici kəşfiyyat fəaliyyəti və xarici kəşfiyyat xidməti haqqında” qanunun 19-cu maddəsinin 2-ci hissəsi və “Dövlət qulluğu haqqında” qanunun 9-cu maddəsinin 5-ci hissəsi rəhbər tutularaq Hrant Jilavyan Xarici Kəşfiyyat Xidmətinin rəis müavini təyin edilib.

Anar Əliyev