"Növbədənkənar prezident seçkiləri yüksək seçici fəallığı ilə keçir. Yaşadığım və səs verdiyim ərazidə yerləşən bir neçə seçki məntəqəsində apardığım müşahidələr belə deməyə əsas verir".

Bu fikirləri Newscenter.az-a "Milli İnkişaf" İctimai Birliyinin sədri Arzuman Muradlı səsləndirib. O bildirib ki, səsvermə prosesinə start veriləndən bir qədər sonra seçki məntəqələrində uzun növbələrin şahidi olub:

"Nərimanov rayonu əraizisində istər səs verdiyim 193 saylı məktəbdə, istərsə də digər seçki məntəqələrində apardığım müşahidələr zamanı seçicilərin qələbəlik halında səsverməyə gəldiyinin şahidi oldum. Mən özüm şəxsən səsvermə üçün bir müddət növbədə gözləməli oldum. Təkcə səs verdiyim məntəqədə deyil, eləcə də digər seçki məntəqələrində anoloji hallar, yüksək seçki əhval-ruhiyyəsi mövcud idi".

Arzuman Muradlı deyib ki, müşahidə apardığı bütün seçki məntəqələrində vətəndaşlar heç bir kənar müdaxilə olmadan, sərbəst və azad şəkildə öz vətəndaşlıq hüquqlarından istifadə ediblər.

Süleyman