"Bugünkü rəhbərlik xalqımızın inkişafı, dinc yaşaması üçün böyük maneədir. Biz beş ildir ki, sülhdən danışırıq, lakin ən çox hərbi qarşıdurmalar bu illərdə baş verib".

Newscenter.az news.am-a istinadən xəbər verir ki, bu fikirləri Ermənistanın keçmiş müdafiə naziri, general-mayor, “Ümumerməni cəbhəsi” hərəkatının lideri Arşak Karapetyan səsləndirib. O deyib ki, biz kifayət qədər kiçik imkanlara malik kiçik ölkəyik:

"Biz elə dövlət deyilik ki, özümüzü Rusiya və ya Amerika kimi apara bilək".

Arşak Karapetyanın sözlərinə görə, nəvələrimiz, nəticələrimiz gələcəkdə Ermənistanın hazırkı rəhbərlik vaxtında biabırçı vəziyyətə salındığını deyəcəklər.

Mehman Mehdiyev