Ağ Ev jurnalistlərə prezident Co Baydenin səhhəti ilə bağlı hər hansı sual verməyi məsləhət görmür.

Newscenter.az TASS-a istinadən xəbər verir ki, Ağ Evin mətbuat katibi Karine Jean-Pierre, ABŞ prezidenti Co Baydenin səhhəti ilə bağlı sual verməyi təhqiredici hesab edib.

Belə ki, WBT radiosunun aparıcısının Jean-Pierredən müsahibə zamanı Amerika prezidentinin demensiyadan əziyyət çəkib-çəkmədiyini soruşmasına cavab olaraq Ağ Evin mətbuat katibi, "Mənə bu sualı verdiyinizə inana bilmirəm. Bu, inanılmaz dərəcədə təhqiredici sualdır",-deyə bildirib.

Qeyd edək ki, 81 yaşı olan Bayden ictimai çıxışlarında tez-tez müxtəlif dil sürüşmələri və şifahi kobud səhvlər edir.

Mehman Mehdiyev