Rusiyanın təkcə Ukrayna cəbhəsində deyil, eləcə də Cənubi Qafqazda zəiflədiyi müşahidə edilməkdədir. Ekspertlər hesab edirlər ki, elə Rusiya sülhməramlılarının vaxtından əvvəl Qarabağı tərk etməsi də məhz bunun əyani sübutudur.

Newscenter.az-ın xəbərinə görə, politoloq Məhəmməd Əsədullazadə deyib ki, Azərbaycanın anti-terror tədbirlərindən sonra regionda Rusiyanın geosiyasi mövqeləri daha da zəifləyib. Onun sözlərinə görə, Rusiya sülhməramlı qüvvələrinin Qarabağdan çıxması Moskva üçün arzuolunmaz bir prosesdir:

"Çünki Rusiya 10 noyabr Birgə Bəyannaməsinə uyğun olaraq daimi əsasda regionda qalmağı hədəfləyirdi.

Qeyd edim ki, Ağdamda fəaliyyət göstərən atəşkəsə nəzarət mərkəzi olan Türkiyə -Rusiya monitorinq Mərkəzi fəaliyyətsizdir. Bu mərkəzdə öz fəaliyyətində müsbət nəticə əldə etmədi. Türkiyə Rusiya atəşkəsə nəzarət mərkəzinin fəaliyyətinə xitam verilməlidir".

Süleyman