"Bu günlər daha bir tarixi anlara, 2020-ci ildən etibarən adət etdiyimiz uğur və nailiyyətlərə, hərbi və diplomatik qələbələrə şahidlik edirik. Söhbət 30 ildən artıq erməni işğalı altında olan Qazağın 4 kəndinin Azərbaycana qaytarılmasına dair razılığın əldə edilməsindən gedir. Məlum olduğu kimi aprelin 19-da Azərbaycan və Ermənistan arasında dövlət sərhədinin delimitasiyası üzrə Dövlət Komissiyası səkkizinci görüşündə Qazağın 4 kəndinin Azərbaycana qaytarılmasına dair razılıq əldə edilib".

Newscenter.az xəbər verir ki, bu fikirləri "Milli İnkişaf" İctimai Birliyinin sədri Arzuman Muradlı səsləndirib. O bildirib ki, Qazağın 4 kəndinin bir güllə atılmadan, qan tökülmədən işğaldan azad edilməsi Azərbaycan Respublikasının Prezidenti, Müzəffər Ali Baş Komandan Cənab İlham Əliyevin güclü siyasi liderliyi, diplomatik və sərkərdəlik bacarığının təntənəsidir:


"Azərbaycan Prezidenti Cənab İlham Əliyev yaşadığımız əsrin ən güclü siyasi, diplomatik və hərbi liderlərindəndir ki, bir güllə atmadan, şəhid vermədən işğal altında olan ərazilərimizi azad edir. 44 günlük müharibədəsindən sonra 3 rayonumuz dinc yolla işğaldan azad edildiyi kimi, indi də Azərbaycanın Siyasi Lideri 4 kəndi sülh yoluyla azadlığa qovuşdurdu".

Arzuman Muradlı əmin olduğunu bildirib ki, əldə edilən razılaşma Ermənistanla Azərbaycan arasında sülh müqaviləsinin imzalanmasını tezləşdirəcək:

"Bu həm də iki ölkənin kənar bir qüvvə, üçüncü bir tərəf olmadan razılaşma əldə edə biləcəyini ortaya qoyur".

Süleyman