Qazaxıstanın Almatı şəhərində yeraltı təkanlar olub.

Newscenter.az "Sputnik Qazaxıstan"a istinadən bildirir ki, bu barədə məlumatı Qazaxıstan Respublikası Təhsil və Mədəniyyət Nazirliyinin “Milli Seysmoloji Müşahidə və Tədqiqatlar Elmi Mərkəzi” MMC-nin seysmik stansiyalar şəbəkəsi yayıb.

Məlumatda bildirilib ki, mayın 20-də Almatıda zəlzələ qeydə alınıb.

Fövqəladə Hallar Nazirliyinin mətbuat xidmətindən verilən məlumata görə isə, zəlzələnin episentri Almatıdan 308 kilometr cənubda, Çin ərazisində olub.

Almatıda yeraltı təkanlar 2 bal gücündə hiss olunub.

Anar Əliyev