Türkiyədə ağır yol qəzası hadisəsi baş verib.

Newscenter.az-ın trthaber- istinadən verdiyi xəbərə görə, Dənizlidə sərnişin avtobusu yük maşınına çırpılıb. Baş verən yol qəzasında avtobusda olan sərnişinlərdən biri Bolqarıstan vətəndaşı ölüb, 3-ü ağır olmaqla 20 nəfər yaralanıb.

Ətrafdakıların xəbəri üzərinə hadisə yerinə sağlamlıq, xilasetmə, polis və jandarma qrupları sövq edilib. Avtobusun içərisində sıxışan yaralılar yanğınsöndürənlər və sağlamlıq qrupları tərəfindən nərdivanların köməyi ilə pəncərələrdən çıxarılıb. Yaralılar təcili yardım maşınları ilə müxtəlif xəstəxanalara aparılıb.

Yaralıların xəstəxanalarda müalicəsi davam edir. Qəza ilə bağlı araşdırmalar davam edir.

Anar Əliyev