Türkiyədə hərbi helikopter qəzaya uğrayıb.

Newscenter.az xəbər verir ki, bu barədə trthaber məlumat yayıb. Məlumatda qeyd edilib ki, hadisə İsparta şəhərində baş verib.

Belə ki, İspartanın Keçiborlu rayon mərkəzində hərbi helikopter yanacaqdoldurma məntəqəsinin yanında qəzaya uğrayıb. Hadisə yerinə təcili tibbi yardım və yanğınsöndürmə briqadaları göndərilib.

İsparta bələdiyyə sədri Şükrü Başdeğirmen, helikopterin qəzaya uğradığı nöqtənin hələ dəqiq olmadığını və axtarış-xilasetmə qruplarının əraziyə yönəldildiyini bildirib.

Helikopterdəki personalın sayı ilə bağlı hələlik heç bir açıqlama verilmir. Qəza zamanı ölən və yaralananların olub-olmadığı barədə məlumat yoxdur.

Anar Əliyev