Milli Kəşfiyyat Təşkilatı (MİT) Suriyanın Qamışlı bölgəsində keçirdiyi əməliyyatda PKK/PAJK-nın qondarma lideri "Nesrin Amed" kod adlı Yayla Kızılkayanı zərərsizləşdirib.
MİT-dən Qamışlıda əməliyyat: Yüksək səviyyəli terrorçu zərərsizləşdirilib
Təhlükəsizlik mənbələrindən əldə edilən məlumata görə, Milli İstihbarat Təşkilatı 14 yaşında terror təşkilatı PKK-nın kənd kadrlarına qoşulan Yayla Kızılkayanı Türkiyə, İraq və Suriyadakı silahlı fəaliyyətinə görə hədəf siyahısına daxil edib.

Suriyada PKK-nın qadın kadrlarının idarə olunması ilə məşğul olan Kızılkaya getdiyi bölgələrdə qadın kadrlarla görüşlər keçirir və onları yoxlayırdı.

Kızılkaya suriyalı qadınlara yönəlmiş ideoloji fəaliyyətlərin ümumi koordinasiyasından da məsul idi.

Təşkilatın rəhbərliyi altında Suriya xalqını istiqamətləndirmək üçün təşkilatçılıq və iştirak fəaliyyətləri də təşkil edən Kızılkaya, xüsusilə Suriya xalqının təşkilatın ideologiyasını mənimsəməsi, təşvişə salması və təşkilat lehinə hərəkət etməsi üçün təşkilatçılıq təhsili verirdi.

PKK/PAJK Cezire Bölgəsinin sözdə general zabiti Kızılkaya uzun müddətdir MİT tərəfindən təqib edilirdi. Əməliyyat üçün ən uyğun vaxtın gəldiyi anda hərəkətə keçən MİT, Suriyanın Qamışlı bölgəsində keçirdiyi dəqiq əməliyyatla Kızılkayanı zərərsizləşdirib.