Antalyanın turizm hədəfi 2025-ci il üçün 18 milyon turistdir.

Newscenter.az xəbər verir ki, bu barədə Aralıq dənizi Turistik Otelcilər və Operatorlar Dərnəyinin sədri Kaan Kaşif Kavaloğlu məlumat verib.

2024-cü ili turizmdə dəyərləndirən Kavaloğlu Antalyada yaxşı bir il keçirdiklərini və ili 17 milyon xarici turistlə bağlayacaqlarını bildirib.

Bu il əsas bazar olan Rusiyadan ən çox turisti qəbul etdiklərini ifadə edən Kavaloğlu, Rusiyanı Almaniya və İngiltərə turistləri izlədiyini qeyd edib.

Polşa bazarında qənaətbəxş bir artım olduğunu izah edən Kavaloğlu, gələn il də bazarı şaxələndirmək üçün səylərini davam etdirəcəklərini deyib.

Mehman Mehdiyev