Yeni Azərbaycan Partiyası Pirallahı rayon təşkilatının sədri Emil Abasov və Pirallahı rayon İcra Hakimiyyətinin başçısı Aparatının birinci müavini Vəzir Səfixanov 31 dekabr-Dünya Azərbaycanlılarının Həmrəylik günü və “Yeni il bayramı” münasibəti ilə rayon ərazisində yaşayan Vətən müharibəsinin şəhid ailələrini ziyarət ediblər.

Newscenter.az xəbər verir ki, şəhid ailələri ilə görüş zamanı YAP Pirallahı rayon təşkilatının sədri Emil Abasov Dünya Azərbaycanlılarının Həmrəyliyi Günü münasibəti ilə onları təbrik edərək, ölkə Prezidenti, Müzəffər Ali Baş Komandan İlham Əliyevin yenilməz sərkərdəliyi ilə Vətən müharibəsində parlaq qələbənin qazanılmasını xüsusi vurğulayaraq bildirib ki, müqəddəs savaşda tarixi Qələbə, şübhəsiz, ilk növbədə bu yolda canından-qanından keçən, hər addımında bütün varlığı ilə doğma torpağına bağlı olduğunu sübut edən igid Azərbaycan əsgərinin şücaəti hesabına əldə olunub. Şəhid ailələri və qazilərimiz daim diqqət və qayğı ilə əhatə olunmalıdır və həmişə belə olacaqdır.

Emil Abasov daha sonra bildirdi ki, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq göstərişlərinə əsasən aidiyyəti dövlət qurumları bu kateqoriyadan olan insanların qayğıları ilə mütəmadi olaraq yaxından maraqlanırlar. Dövlətimiz tərəfindən şəhid ailələrinə göstərilən diqqət və qayğı bütün ölkə ictimaiyyəti tərəfindən təqdirəlayiq hal kimi qiymətləndirilir.

Qeyd edək ki, ziyarət zamanı Yeni Azərbaycan Partiyası Pirallahı rayon təşkilatı tərəfindən şəhid ailəsinə 31 dekabr-Dünya Azərbaycanlılarının Həmrəylik günü” və “Yeni il bayramı” münasibətilə bayram sovqatı və şəhid övladlarına xatirə hədiyyələri təqdim edilib.

Şəhid ailələri onlara göstərilən diqqət və qayğıya görə Prezident cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.

Süleyman