Bu il Qazaxıstanın Jetısu vilayətində İtaliya Universitetinin filialı açılacaq.

Newscenter.az "Sputnik Qazaxıstan"a istinadən xəbər verir ki, bu barədə elm və ali təhsil naziri Sayasat Nurbek bildirib.

O deyib ki, filial Jetysu Regional Universitetinin bazasında açılacaq.

"Universitet Università Politécnica delle Marche-dir. O, İtaliyanın Ankona şəhərində yerləşir. Aqronomiya və kənd təsərrüfatı sahəsində çox güclü universitetdir. Bu il biz dörd proqramla başlayacağıq", -deyə Nurbek bildirib.

Onun sözlərinə görə, filialda kənd təsərrüfatı məhsullarının aqronomluğu, seleksiyası və texnologiyası üstünlük təşkil edəcək.

Cavid İmsməliyev