Kollektiv Təhlükısizlik Müqaviləsi Təşkilatı (KTMT) sentyabr ayından təlimlərə başlayır.

Newscenter.az "Sputnik Qazaxıstan"a istinadən bildirir ki, təşkilatın Kollektiv Çevik Reaksiya Qüvvələri sentyabrın əvvəlində Belarusun “Losvido” və “Lepelski” poliqonlarında “Qarşılıqlı fəaliyyət-2025” birgə təlimləri keçirəcək.

Bundan başqa “Axtarış-2025” kəşfiyyat qüvvələri və “Eşelon-2025” maddi-texniki təminat xidmətləri tərəfindən xüsusi təlimlər də təşkil olunacaq.

"Bu təlimlərin həyata keçirilməsi planları Belarus Respublikası və Rusiya Federasiyası Silahlı Qüvvələrinin "Qərb-2025" birgə strateji təlimləri planı ilə sıx bağlıdır.

Sentyabrın ikinci ongünlüyündə Qırğızıstan Respublikası ərazisindəki “Edelveys” təlim mərkəzində isə Mərkəzi Asiya regionunun Kollektiv Çevik Hərəkat Qüvvələrinin bölmələri ilə “Sərhəd-2025” komanda-qərargah təlimi keçiriləcək.

Bir ay sonra, oktyabrın ortalarında Tacikistan Respublikasının “Fəxrabad” poliqonunda KTMT sülhməramlı qüvvələri ilə birgə “Sarsılmaz Qardaşlıq-2025” təlimi keçiriləcək.

Mehman Mehdiyev