Çilinin cənubunda 7,5 bal gücündə zəlzələ baş verib. Çili Hərbi Dəniz Qüvvələri zəlzələdən sonra sunami xəbərdarlığı edib.

Çilinin cənubunda 7,5 bal gücündə zəlzələ baş verib.
ABŞ Geoloji Xidməti (USGS) zəlzələnin episentrinin Çilinin Antarktika yarımadası sahillərindəki Dreyk keçidi olduğunu açıqlayıb.

Təxminən 10,8 kilometr dərinlikdə baş verən zəlzələ Argentina və Çilinin bir çox şəhərində hiss olunub.

Çili Hərbi Dəniz Qüvvələrinin Hidroqrafik və Okeanoqrafiya Xidməti (SHOA) zəlzələdən sonra sunami xəbərdarlığının verildiyini açıqlayıb.

SHOA sahilyanı ərazilərin, qayalı sahillərin, bataqlıq ərazilərin, estuarların, çayların mənsəblərinin, sahil xətlərinin, piyada keçidlərinin, marinaların, sahil yollarının, balıqçılıq limanlarının, limanların və estakadaların boşaldılmasını əmr etdi.