Türkiyə birbaşa olaraq Ədirnə vasitəsilə Avropaya, Van üzərindən İrana, Bakı-Tbilisi-Qars xətti ilə isə Orta Asiyaya ixrac həyata keçirir.


Newscenter.az xəbər verir ki, bunu Türkiyənin nəqliyyat və infrastruktur naziri Abdulkadir Uraloğlu deyib.

Onun sözlərinə görə, Türkiyənin dünyaya açılan “dəmir” qapılarından biri olan Bakı-Tbilisi-Qars xətti 2017-ci ildə ən böyük dəmir yolu layihələrindən biri olaraq açılıb:

"Azərbaycanın paytaxtı Bakıdan başlayan, Gürcüstanın Tbilisi və Axalkalaki şəhərlərindən keçərək Qarsa qədər uzanan 829 kilometrlik dəmir yolu xətti Avropa ilə Çin arasında fasiləsiz yük daşımalarını təmin edir. Bakı-Tbilisi-Qars xətti Türkiyədən Gürcüstana, Azərbaycana, Rusiyaya, Xəzər dənizinə, Mərkəzi Asiya ölkələrinə və Çinə birbaşa dəmir yolu ilə yük daşımalarına imkan verir".

Nazir deyib ki, bu xətt həm də Türkiyənin Orta Dəhliz vasitəsilə yük daşımaqla ticarətinə əhəmiyyətli töhfə verir


Anar Əliyev