Məlum olduğu kimi Rusiyanın Ukraynanın paytaxtı Kiyevə endirdiyi raket zərbələri nəticəsində Azərbaycan bu ölkədəki səfirliyi də zərər görüb. Moskva bunu təsadüfi hesab etsə də, lakin ekspertlər tam əksini söyləyirlər.

Newscenter.az-ın xəbərinə görə, "Milli İnkişaf" ictimai birliyinin sədri, politoloq Arzuman Muradlı deyib ki, Kiyevdəki Azərbaycan səfirliyinin yanına raket bilərəkdən atılıb:

"Bu, Moskvanın Bakıya bir mesajıdır. Rusiya Silahlı Qüvvələrində nəinki Kiyevdə, ümumuilikdə Ukraynada hansı strateji obyektlərin, yaxud diplomatik nümayəndəliklərin olduğu barədə kifayət qədər dəqiq məlumatlar var. Ona görə də Azərbaycan səfirliyinin yaxınlığına raketin təsadüfən düşməsi barədə iddialar absurddur. Bir sözlə səfirlik yaxınlığına zərbə qəsdən endirilib".

Arzuman Muradlı hesab edir ki, Azərbaycanın Ukraynaya humanitar yardım etməsi Rusiyada qıcıq yaradır və ona görə də bu cür məkirli planlarla Bakıya təsir göstərəcə biləcəyini sanır:

"Bu çox iyrənc, beynəlxalq hüquq normalarına sığmayan bir yanaşmadır, hərəkətdir. Əgər doğurdan da təsadüf idisə, o zaman atılan raket Avropa ölkələrindən birinin səfirliyi yaxınlığına düşərdi, Azərbaycan səfirliyi yox".

Arzuman Muradlı onu da deyib ki, Rusiyanın müharibə cinayətləri törətməsi, mülki obyektləri hədəf alması adi hala çevrilib:

"Azərbaycana məxsus sərnişin təyyarəsinin vurulması timsalında biz bunu aydın şəkildə gördük"

Süleyman