Cari ilin 7 ayında Qazaxıstanda 608,8 min ton ət istehsal edilib.

Newscenter.az xəbər verir ki, bu barədə Qazaxıstanın Kənd Təsərrüfatı Nazirliyi məlumat yayıb.

Mal ətinin bahalaşması daxili bazarda ət qıtlığının yarana biləcəyi ilə bağlı narahatlıqları artırır. Nazirlik bildirir ki, bununla belə, dinamika stabildir.

İyul ayının sonuna iribuynuzlu mal-qaranın sayı 8,7 milyon başa çatıb ki, bunun da 4,5 milyonu inəkdir. Buzovların sayı 2,7 milyon başa çatıb. Bu, məhsul istehsalının daha da artırılmasına əsas olacaq.

Yanvar-iyul aylarında ölkədə 608,8 min ton ət istehsal olunub. Bunun 205,7 min tonu mal əti olub.

İstehsalçılardan diri çəkidə mal-qaranın topdansatış qiyməti regiondan asılı olaraq 2400-3100 tenge/kq, pərakəndə ticarətdə 3000-3700 tenge/kq təşkil edir.

Xarici bazarlarda da Qazaxıstan mal ətinə tələbat artır.

Yanvar-iyun aylarında ixracın həcmi 2,4 dəfə artaraq 16,1 min ton təşkil edib.

Mehman Meehdiyev