Özbəkistan və Qazaxıstan neft, qaz və kimya sektorlarında yeni birgə layihələrin yaradılması haqqında razılığa gəliblər.

Newscenter.az xəbər verir ki, bu barədə “Dünyo” xəbər agentliyi məlumat yayıb.

Qeyd olunur ki, saziş Almatıda “Uzbekneftegaz” və “KazMunayQaz” şirkətlərinin rəhbərləri tərəfindən imzalanıb. Plan geoloji kəşfiyyat, neft-qaz, kimya sahələrində əməkdaşlığın genişləndirilməsini nəzərdə tutur. Özbəkistan səfiri Bəxtiyor İbrahimov “KazMunayQaz” Milli Şirkətinin İdarə Heyətinin sədri Asxat Xasenov ilə görüşündə enerji təhlükəsizliyinin təmin edilməsi və karbohidrogen hasilatı və emalı sahəsində əməkdaşlığın daha da dərinləşdirilməsi məsələlərini müzakirə edib.

Mehman Mehdiyev