Özbəkistan kiçik tutumlu atom elektrik stansiyasının (AES) tikintisi çərçivəsində atom elektrik stansiyası şəhərciyini tikəcək.

Newscenter.az "Sputnik Özbəkistan"a istinadən bildirir ki, bu barədə “Uzatom”un direktoru Əzim Əhmədxadcayev bildirib.

O qeyd edib ki, layihə mərhələlərinə 14 minə qədər mütəxəssis cəlb olunacaq, onlardan minə yaxın yüksək ixtisaslı kadr kiçik gücə malik AES-in fasiləsiz istismarına cavabdeh olacaq:

"Ona görə də bu qədər insan kapitalı üçün rahat yaşayış və iş şəraitinin yaradılması zərurəti xüsusi infrastruktur mərkəzinin - Atom Elektrik Stansiyasının şəhərciyinin tikintisini tələb edir".

Layihə çərçivəsində ümumi gücü 330 MVt olan 6 reaktorun quraşdırılacağı bildirilir. Məlumata görə, tikinti üzrə ixrac müqaviləsi 2024-cü ilin mayında imzalanıb ki, bu, Özbəkistan tarixində ilk və beynəlxalq miqyasda unikal müqavilədir. Baş podratçı qismində Rosatom iştirak edəcək və yerli tikinti şirkətləri də prosesə cəlb olunacaq.

Süleyman