2025-ci ildə Qazaxıstan Rusiyadan yanacaq və enerji məhsullarının idxalını 25% artıraraq 2,26 milyard dollara çatıb.

Newscenter.az TASS-a istinadən bildirir ki, 2024-cü ildə bu cür məhsulların idxalı 1,8 milyard dollardan çox olub.

2025-ci ildə Qazaxıstandan Rusiyaya yanacaq və enerji məhsullarının ixracı maddi vəsait baxımından demək olar ki, dəyişməz qalıb. 2024-cü ildə onlar təxminən 471,8 milyon dollar, 2025-ci ildə isə 471,9 milyon dollar dəyərində qiymətləndirilib.

Respublika həmçinin Rusiyadan ağac, meşə məhsulları və sellüloz-kağız məhsullarının alışını təxminən 13% artırıb. 2024-cü ildə idxal 711,2 milyon dollar, 2025-ci ildə isə 802,7 milyon dollar dəyərində olub. Qazaxıstandan Rusiyaya bu cür məhsulların ixracı pul baxımından 2025-ci ildə 7,5% azalaraq 32,4 milyon dollara düşüb, 2024-cü ildə isə təxminən 35 milyon dollar olub.

Eyni zamanda, Qazaxıstan 2025-ci ildə Rusiyadan tikinti materiallarının alışını təxminən 30% azaldaraq 281,9 milyon dollara endirib.

Süleyman