Macarıstan hökuməti Kiyevin Drujba boru kəməri vasitəsilə Rusiya neftinin tranzitini bloklamasına cavab olaraq dizel yanacağı təchizatının dayandırılmasından sonra Ukraynaya qaz və elektrik enerjisi təchizatını dayandırmaq imkanını nəzərdən keçirir. Bu barədə Macarıstan Baş naziri Viktor Orbanın ofisinin rəhbəri Gergeli Qulyas brifinqdə bildirib və Ukrayna hakimiyyətinin hərəkətlərinin qəbuledilməz olduğunu qeyd edib.
O xatırladıb ki, 18 fevralda Macarıstan hökuməti Drujba boru kəməri ilə neft nəqli bərpa olunana qədər Ukraynaya dizel yanacağı tədarük etməyəcəyini açıqlayıb. "Biz həmçinin elektrik enerjisi və təbii qaz təchizatını dayandırmaq imkanlarını araşdırırıq", - Qulyas deyib.
