Dünya liderləri və hökumət rəsmiləri 17-19 aprel tarixlərində keçiriləcək və əsas mövzusu "Sabahı Dizayn Edərkən Qeyri-müəyyənliklərlə Mübarizə" olacaq 5-ci Antalya Diplomatiya Forumunda (ADF2026) bir araya gələcəklər.

Newscenter.az trthaber-ə istinadən bildirir ki, ADF2026 Prezident Rəcəb Tayyib Ərdoğanın himayəsi və Xarici İşlər Nazirliyinin ev sahibliyi ilə keçiriləcək. Bu ilki Antalya Diplomatiya Forumunun mövzusu "Sabahı Dizayn Edərkən Qeyri-müəyyənliklərlə Mübarizə" olacaq.

Forumda 150-dən çox ölkədən 20-dən çox dövlət və hökumət başçısı, təxminən 15 dövlət və hökumət başçısının təmsilçisi, 50-dən çox nazir (bunlardan 40-dan çoxu xarici işlər naziridir) və beynəlxalq təşkilatlardan 75 nümayəndə, eləcə də akademiklər və tələbələr də daxil olmaqla təxminən 5000 qonağın iştirakı gözlənilir. Forum çərçivəsində
40-dan çox tədbir və sessiya keçiriləcək.

Dövlət başçılarının təxminən yarısının Afrika və Avropadan, xarici işlər nazirlərinin 40%-nin Afrikadan, 35%-nin Avropadan və 22%-nin Asiyadan olacağı gözlənilir.

Süleyman