İndoneziyanın Halmahera adasında (Şimali Maluku əyaləti) yerləşən Dukono vulkanı yenidən kül və tüstü buludu yayıb. Bu barədə ölkənin Vulkanologiya və Geoloji Fəlakətlərin Azaldılması Mərkəzi məlumat verib.

Külün vulkanın kraterindən təxminən 900 metr yüksəkliyə qalxdığı və dəniz səviyyəsindən 1987 metr yüksəkliyə çatdığı bildirilir. Boz və ağ kül buludları şimal-qərbə yayılıb. Yerli hakimiyyət orqanları sakinlərin və turistlərin vulkanın kraterindən 4 km radiusa yaxınlaşmasını qadağan edib və vulkanik küldən qorunmaq üçün maskalardan istifadə etməyi tövsiyə edib.

Dukono vulkanı Sakit okean və Avstraliya litosfer plitələrinin qovşağında yerləşir.

Dünyanın ən böyük arxipelaqı olan İndoneziya arxipelaqı 18.000 adadan ibarətdir və Sakit Okeanın "Adlı Halqa" adlanan hissəsində yerləşir və bu da bölgəni intensiv seysmik aktivliyə meylli edir. İndoneziyada təxminən 130-u aktiv olan 500-dən çox vulkan var