Azərbaycan Respublikasının Prezidenti İlham Əliyevin sədrliyi ilə “Azərbaycan Respublikasında 2027–2030-cu illərdə dağ-mədən (metal filizləri) və metallurgiya sənayesinin inkişafına dair Dövlət Proqramı”nın hazırlanması və icrasına həsr olunmuş müşavirə keçirilib.

Müşavirədə dövlət başçısı ölkə iqtisadiyyatının qeyri-neft sektorunun şaxələndirilməsi, sənayeləşmə siyasətinin sürətləndirilməsi və milli resurslardan səmərəli istifadə olunmasının strateji əhəmiyyətini vurğulayıb.

Prezident İlham Əliyev çıxışında qeyd edib ki, son illərdə həyata keçirilən məqsədyönlü islahatlar nəticəsində Azərbaycanın sənaye potensialı keyfiyyətcə yeni mərhələyə qədəm qoyub. Neft-qaz sektorundan asılılığın azaldılması istiqamətində atılan addımlar dağ-mədən və metallurgiya sahəsinin imkanlarını daha da qabardır.

Newscenter.az xəbər verir ki, bunları YAP üzvü Nərmin Səmədova deyib. O bildirib ki, ölkə daxilində hasil olunan metal filizlərinin xammal şəklində xaricə ixrac edilməsi deyil, ölkə daxilində son məhsul səviyyəsinə qədər emal olunması əsas hədəf kimi müəyyənləşdirilib:

"Yüksək əlavə dəyər zəncirinin yaradılması: Dövlət Proqramı çərçivəsində filiz hasilatından başlayaraq hazır metallurgiya məhsullarının istehsalınadək olan tam zəncirin qurulması nəzərdə tutulur.

Azad edilmiş ərazilərin resurs potensialı: Qarabağ və Şərqi Zəngəzur iqtisadi rayonlarında zəngin metal filiz yataqlarının mövcudluğu dağ-mədən sənayesinin inkişafına böyük təkan verir. Bu resursların ekoloji standartlara əməl olunmaqla istismara cəlb edilməsi regionun iqtisadi dirçəlişini daha da sürətləndirəcək.
2027–2030-cu illəri əhatə edən Dövlət Proqramının strateji məqsədləri
Prezident çıxışında hazırlanacaq Dövlət Proqramının əsas prioritetlərini diqqətə çatdırıb. Proqramın icrası nəticəsində aşağıdakı strateji nəticələrin əldə olunması planlaşdırılır".

Anar