Newscenter.az.19.12.2020. “InnoWeek – İnnovasiya həftəsi” çərçivəsində Bakıda növbəti “DevopsDays Baku”- Bakıda proqramçılar və sistem adminstratorlarının birgə hazırladıqları proqram təminatı günləri onlayn tədbiri baş tutub.

Newscenter.az xəbər verir ki, Azərbaycanda ikinci dəfə keçirilən tədbirdə həm texniki, həm də qeyri-texniki mövzulara, o cümlədən proqram təminatının inkişafı, IT infrastrukturunun ən aktual məsələlərinə toxunulub, yerli və xarici spikerlər tərəfindən bilik və təcrübələr paylaşılıb.
ABŞ, Peru, Türkiyə, Hollandiya və digər ölkələrdən spikerlər Uber, Amazon və Google kimi şirkətlərdəki təcrübələri haqqında iştirakçılara məlumat veriblər.
“Devopsdays” tədbirində proqram təminatı, İT infrastruktur əməliyyatları və bu sahələri əhatə edən mövzuları özündə əks etdirən dünya miqyaslı texniki konfransdır.

Bu il “COVID 19” pandemiyası ilə əlaqədar onlayn rejimdə keçirilən beynəlxalq tədbir ilk dəfə 2009-cu ildə Belçikanın Gent şəhərində təşkil olunub.
“Devopsdays” Azərbaycanda 2019-cu ildən keçirilir.

Həm yerli, həm də xarici spikerlərin çıxış etdiyi tədbirin təşkilatçıları SUP.VC Akselerasiya Mərkəzi və PAŞA Bank olub.

Sevinc