Newscenter.az.15.03.2021. Xaçmaz rayonunda evdə qadın meyiti tapılıb.

Newscenter.az xəbər verir ki, FHN-in "112" qaynar telefon xəttinə daxil olan məlumata əsasən, Xaçmaz rayonunda 1 nəfər evdə bağlı qapı arxasında köməksiz vəziyyətdə qalıb. Çağırış ünvanına cəlb olunan Şimal Regional Mərkəzinin xilasetmə qüvvələri evin giriş qapısını açıb və orada aşkarlanan 1976-cı il təvəllüdlü Hacıyeva Ülkər Vəliyyəddin qızının meyitini aidiyyəti üzrə təhvil veriblər.

Qeyd edək ki, Ü. Hacıyeva Xaçmazın Alıcqışlaq kənd orta məktəbinin direktoru vəzifəsində çalışırdı.

İlkin ehtimala görə o, dəm qazından zəhərlənib.

Araşdırma aparılır.