Ümummilli lider Heydər Əliyevin anadan olmasının 99-cu ildönümü təkcə ölkə daxilində deyil, dünyanın əksər dövlətlərində də qeyd edilib, ulu öndərin əziz xatirəsi ehtiramla yad olunub.

Newscenter.az Azərbaycanın Gürcüstandakı fövqəladə və səlahiyyətli səfirliyinə istinadən xəbər verir ki, 10 may tarixində Azərbaycan Respublikasının Gürcüstandakı Fövqəladə və səlahiyyətli səfiri Faiq Quliyev başda olmaqla Səfirliyin kollektivi, eləcə də Gürcüstanda fəaliyyət göstərən SOCAR və digər Azərbaycan şirkətlərinin təmsilçiləri, tanınmış icma nümayəndələri Azərbaycan xalqının Ümummilli lideri Heydər Əliyevin anadan olmasının 99-cu ildönümü ilə əlaqədar Tbilisi şəhərinin tarixi mərkəzində və Kvemo Kartli diyarının inzibati mərkəzi olan Rustavi şəhərində ucaldılan Ulu öndərin heykəlləri ziyarət edərək, tər-çiçəkləri düzüb, xatirəsini ehtiramla yad ediblər.



Mehman