"Türk millətinin haqlı mövqeyini və iradəsini bütün dünyaya bildirdiyinə görə Prezident Ərdoğana bir daha təşəkkür edirəm. Prezident Ərdoğan BMT-də səssiz milyonların səsi oldu".

Newscenter.az xəbər verir ki, bunları Milliyətçi Hərəkat Partiyasının sədri Dövlət Baxçalı deyib.

"81-ci Birləşmiş Millətlər Təşkilatının Baş Assambleyasında səssiz milyonların səsinə çevrilən, haqqın, haqlının yanında olan və Türk millətinin haqlı mövqeyini, iradəsini aydın, güclü, təsirli mesajları ilə bütün dünyaya bildirən Prezidentimizə bir daha təşəkkürümü bildirirəm.

Dünyada yaşanan müharibələr, böhranlar, humanitar faciələr və ədalətsizliklər qarşısında beynəlxalq sistemin mövcud quruluşu getdikcə daha çox sorğulanır. Aydındır ki, qlobal qərar qəbuletmə mexanizmləri, ilk növbədə Birləşmiş Millətlər Təşkilatı, dünyanın dəyişən siyasi, iqtisadi və geosiyasi reallıqlarını kifayət qədər əks etdirmir.

Xüsusilə, Birləşmiş Millətlər Təşkilatının Təhlükəsizlik Şurasının mövcud strukturu və daimi üzvlərinin veto hüququ ədalətli, effektiv və inklüziv beynəlxalq nizamın yaradılmasına mane olan əsas problemlərdən biridir. Bu kontekstdə, Prezidentimizin Birləşmiş Millətlər Təşkilatının Baş Assambleyasında tez-tez ifadə etdiyi yanaşma - "Dünya beşdən böyükdür" - təkcə Türkiyənin baxışının güclü ifadəsi deyil, həm də daha ədalətli, təmsilçi və bərabər dünya nizamı axtarışının güclü ifadəsidir",-deyə MHP sədri vurğulayıb.

Süleyman